கலாம் கனவை நனவாக்குகிறார் பிரதமர் மோடி - அமித் ஷா

முன்னாள் குடியரசுத் தலைவர் ஏ.பி. ஜெ. அப்துல் கலாமின் கனவுகளை பிரதமர் நரேந்திர மோடி நனவாக்கிக் கொண்டிருப்பதாக மத்திய உள் துறை அமைச்சர் அமித் ஷா கூறினார்.

ராமேசுவரத்தில் சனிக்கிழமை நடைபெற்ற‘அப்துல்கலாம் நினைவுகளுக்கு மரணமில்லை' என்ற தமிழ் நூலின் ஆங்கில மொழிபெயர்ப்புப் புத்தக வெளியீட்டு விழாவில் அவர் மேலும் பேசியதாவது:

இந்தியாவின் கடைக்கோடி பகுதியில் பிறந்திருந்தாலும், தன்னம்பிக்கையும் திறமையும் உழைப்பும் இருந்தால், சாமானியர்கூட இந்தியாவின் மிக உயர்ந்த குடியரசுத் தலைவர் பதவியை அலங்கரிக்க முடியும் என்பதை நிரூபித்தவர் அப்துல் கலாம். திருவள்ளுவர், மகாகவி பாரதியாரின் கூற்றுகளின்படி வாழ்ந்து காட்டிய மாமனிதர் அவர்.