ராகுலுக்கு மீண்டும் எம்.பி. பதவி

தகுதிநீக்க நடவடிக்கை ரத்து; நாடாளுமன்றக் கூட்டத்தில் பங்கேற்றார்

உச்சநீதிமன்ற உத்தரவையடுத்து ராகுல் காந்திக்கு எதிரான தகுதிநீக்க நடவடிக்கை திங்கள்கிழமைரத்து செய்யப்பட்டது. இதன்மூலம் 4 மாதங்களுக்கு பிறகு அவர் மீண்டும் எம்.பி.யான நிலையில், நாடாளுமன்ற மழைக்கால கூட்டத்தொடரில் பங்கேற்றார்.

கடந்த 2019-ஆம் ஆண்டு மக்களவைத் தேர்தலையொட்டி, கர்நாடக மாநிலம் கோலார் பகுதியில் ராகுல் காந்தி பிரசாரத்தில் ஈடுபட்டார். அப்போது அவர் பேசுகையில், 'எப்படி அனைத்துத் திருடர்களும் மோடி என்ற பொதுவான துணைப் பெயரைக் கொண்டுள்ளனர்?' என்றார். அவரது பேச்சு மோடி சமூகத்தினரை இழிவுபடுத்தியதாகக் கூறி குஜராத் பாஜக எம்எல்ஏ பூர்ணேஷ் மோடி சூரத் மாஜிஸ்திரேட் நீதிமன்றத்தில் வழக்குத் தொடுத்தார்.

இந்த வழக்கில் ராகுலுக்கு 2 ஆண்டுகள் சிறைத் தண்டனை விதித்து சூரத் மாஜிஸ்திரேட் நீதிமன்றம் தீர்ப்பளித்தது. இதைத் தொடர்ந்து, இரண்டு ஆண்டுகள் அல்லது அதற்கும் அதிகமாக சிறைத் தண்டனை பெற்றவர்கள் மக்கள் பிரதிநிதியாக தொடர முடியாது என்ற மக்கள் பிரதிநிதித்துவச் சட்டத்தின்படி, அவரை எம்.பி. பதவியிலிருந்து தகுதிநீக்கம் செய்து மக்களவைச் செயலகம் நடவடிக்கை மேற்கொண் சூரத் மாஜிஸ்திரேட் நீதிமன்றத் தீர்ப்புக்கு எதிராக அங்குள்ள அமர்வு நீதிமன்றத்தில் ராகுல் மேல்முறையீடு செய்தார். அந்த மனுவை விசாரித்த அமர்வு நீதிமன்றம், ராகுலுக்கு வழங்கப்பட்ட தண்டனைக்குத் தடை விதிக்க மறுத்து மனுவைத் தள்ளுபடி செய்து உத்தரவிட்டது.