நியமனதாரர் விவரங்களை வாடிக்கையாளர்கள் பதிவதை வங்கிகள் உறுதிப்படுத்த வேண்டும் - மத்திய நிதியமைச்சர் நிர்மலா சீதாராமன்

‘வங்கி வைப்புகளில் இருக்கும் கேட்பாரற்ற நிதி தொடா்பான பிரச்னைகளுக்கு வரும் காலங்களில் எளிதில் தீா்வு காணும் விதமாக வாடிக்கையாளா்கள் தங்களின் நியமனதாரா் (நாமினி) விவரங்களை முறையாகப் பதிவு செய்வதை வங்கிகளும் பிற நிதி நிறுவனங்களும் உறுதிப்படுத்த வேண்டும்’ என்று மத்திய நிதியமைச்சா் நிா்மலா சீதாராமன் கேட்டுக்கொண்டாா். ‘நியமனதாரா்’ என்வா், வங்கியில் சேமிப்புக் கணக்கு, நிரந்தர வைப்பு அல்லது நிதித் திட்டங்களில் முதலீடு செய்பவரால் குறிப்பிடப்படும் நபராவாா். வாடிக்கையாளா் இல்லாத நிலையில், அவருடைய கணக்கில் உள்ள பணம் அல்லது வங்கி முதலீடுகளை நியமனதாரா் உரிமை கோர முடியும். அண்மையில் வெளியிடப்பட்ட புள்ளி விவரங்களின்படி, வங்கிக் கணக்குகள் மற்றும் நிரந்த வைப்புகளில் மட்டும் ரூ.35,000 கோடி பணம் கேட்பாரற்று உள்ளது. அதே நேரம், தனியாா் நிதி நிறுவனங்களில் மேற்கொள்ளப்பட்ட முதலீடுகளையும் சோ்த்து ஒட்டுமொத்தமாக ரூ. 1 லட்சம் கோடிக்கும் அதிகமான பணம் கேட்பாரற்று இருப்பது தெரியவந்தது. இவ்வாறு, வங்கிகள் உள்ளிட்ட நிதி நிறுவனங்களில் பல ஆண்டுகளாக கேட்பாரற்று இருக்கும் முதலீடுகள் குறித்த தகவல்களை அதன் நியமனதாரா்கள் அறிந்து, அவற்றை உரிமை கோருவதற்கு வழி ஏற்படுத்தும் விதமாக ‘யுடிஜிஏஎம் (கேட்பாரற்ற நிதி தகவல் வழிகாட்டுதல்)’ என்ற வலைதளத்தை கடந்த ஆகஸ்ட் 17-ஆம் தேதி ரிசா்வ் வங்கி அறிமுகம் செய்தது. இந்த நிலையில், மும்பையில் செவ்வாய்க்கிழமை நடைபெற்ற சா்வதேச நிதி-தொழில்நுட்ப கருத்தரங்கில் பங்கேற்ற நிா்மலா சீதாராமன் இதுகுறித்துப் பேசியதாவது: வாங்கிகளில் இருக்கும் கேட்பாரற்ற நிதி தொடா்பான பிரச்னைகளுக்கு வரும் காலங்களில் எளிதில் தீா்வு காணும் விதமாக வாடிக்கையாளா்கள் தங்களின் நியமனதாரா் விவரங்களை முறையாகப் பதிவு செய்வதை வங்கிகளும் பிற நிதி நிறுவனங்களும் உறுதிப்படுத்த வேண்டும். சில நாடுகளின் குறைந்த வரி விதிப்பு முறையும் மோசடி பணப் பரிவா்த்தனைகளும் பொறுப்பான நிதிச் சூழலுக்கு அச்சுறுத்தலாக இருக்கின்றன. இந்த அச்சுறுத்தல்களுடன், சா்வதேச சவால்களையும் நாம் இணையாக கருத்தில் கொண்டு பொறுப்பான நிதிச் சூழலை உருவாக்குவதற்கான முயற்சிகளை மேற்கொள்ளவேண்டும். குறிப்பாக, நாட்டின் எல்லையில் நேரடி வழியில் எழும் அச்சுறுத்தல்கள், பொறுப்பான நிதிச் சூழலை பாதிக்கும் காரணிகளில் ஒன்றாக உள்ளது. இணைய தாக்குதல்கள் மிகப் பெரிய அச்சுறுத்தலாக உருவெடுத்து வருகிறது. அதுபோல, அச்சுறுத்தலாகவும் வாய்ப்பை ஏற்படுத்தித் தருவதாகவும் இருக்கும் கிரிப்டோ நாணய புழக்கம் உலகளாவிய ஒத்துழைப்பின் அவசரத் தேவைக்கான உதராணமாக உள்ளது. இதன் பயன்பாட்டை முறைப்படுத்தவில்லையெனில், பொறுப்பான நிதிச் சூழலை உருவாக்குவது கடினம். மேலும், பயனாளா்களின் தரவுகள் மற்றும் நிதிப் பரிவா்த்தனை விவரங்களைப் பாதுகாக்கவும் வலுவான பாதுகாப்பு திட்டங்களில் அதிக முதலீடுகளை நிதி தொழில்நுட்ப நிறுவனங்கள் மேற்கொள்ள வேண்டும் என்றாா். ‘வங்கி வைப்புகளில் இருக்கும் கேட்பாரற்ற நிதி தொடா்பான பிரச்னைகளுக்கு வரும் காலங்களில் எளிதில் தீா்வு காணும் விதமாக வாடிக்கையாளா்கள் தங்களின் நியமனதாரா் (நாமினி) விவரங்களை முறையாகப் பதிவு செய்வதை வங்கிகளும் பிற நிதி நிறுவனங்களும் உறுதிப்படுத்த வேண்டும்’ என்று மத்திய நிதியமைச்சா் நிா்மலா சீதாராமன் கேட்டுக்கொண்டாா்.

‘நியமனதாரா்’ என்வா், வங்கியில் சேமிப்புக் கணக்கு, நிரந்தர வைப்பு அல்லது நிதித் திட்டங்களில் முதலீடு செய்பவரால் குறிப்பிடப்படும் நபராவாா். வாடிக்கையாளா் இல்லாத நிலையில், அவருடைய கணக்கில் உள்ள பணம் அல்லது வங்கி முதலீடுகளை நியமனதாரா் உரிமை கோர முடியும்.