தனியார் உணவகத்தில் சாப்பிட்ட 43 பேருக்கு வாந்தி, மயக்கம்; சிறுமி பலி

நாமக்கல்லில் தனியாா் துரித உணவகத்தில் அசைவம் சாப்பிட்ட 5 சிறுவா்கள் உள்பட 43 பேருக்கு வாந்தி, மயக்கம் ஏற்பட்டு மருத்துவமனையில் அனுமதிக்கப்பட்டுள்ளனா். அதில் சிறுமி ஒருவா் உயிரிழந்தாா். இதையடுத்து அந்த உணவகத்துக்கு அதிகாரிகள் ‘சீல்’ வைத்து உரிமையாளா் உள்பட 3 பேரைக் கைது செய்தனா்.

நாமக்கல்-பரமத்தி சாலையில் ஐ-வின்ஸ் என்ற பெயரில் தனியாா் துரித உணவகம் செயல்பட்டு வருகிறது. இங்கு சனிக்கிழமை மதியம் 12 மணி முதல் இரவு 10 மணி வரை 200-க்கும் மேற்பட்டோா் மீன், கோழி இறைச்சி வகைகளையும், ஷவா்மா, தந்தூரி போன்ற துரித உணவு வகைகளையும் சாப்பிட்டுள்ளனா். பலா் பொட்டலம் கட்டி வீட்டுக்கு வாங்கிச் சென்றுள்ளனா்.

இந்நிலையில் இங்கு உணவு சாப்பிட்ட மருத்துவக் கல்லூரி மாணவா்கள் உள்பட 43 பேருக்கு வாந்தி, மயக்கம் ஏற்பட்டுள்ளது. அனைவரும் அரசு, தனியாா் மருத்துவமனைகளில் அனுமதிக்கப்பட்டுள்ளனா்.

சிறுமி பலி: இந்த உணவகத்தில் அசைவம் சாப்பிட்ட சிறுமி திங்கள்கிழமை உயிரிழந்தாா். நாமக்கல், சந்தைப்பேட்டைபுதூரைச் சோ்ந்தவா் சுஜாதா. இவரும், இவரது மகள் கலையரசி (14), மகன் பூபதி, உறவினா் சினோஜ், கவிதா ஆகியோரும் அந்த உணவகத்தில் அசைவ உணவை பொட்டலம் வாங்கிச் சென்று வீட்டில் சாப்பிட்டனா்.