ஊழலுக்கு எதிரான நடவடிக்கைகள் தொடரும்

மத்திய பிரதேசத்தின்‌ குணா மாவட்டத்தில்‌ புதன்கிழமை நடைபெற்ற பாஜக பிரசாரக்‌ கூட்டத்தில்‌ பங்கேற்ற பிரதமர்‌ மோடி. உடன்‌, மத்திய அமைச்சர்‌ ஜோதிராதித்ய சிந்தியா இடது) உள்ளிட்டோர்‌.

‘என் மீது அவதூறுகளை வாரி இறைத்தாலும், ஊழலுக்கு எதிரான எனது நடவடிக்கைகள் தொடரும்’ என்று பிரதமா் நரேந்திர மோடி உறுதிபட தெரிவித்தாா்.

எதிா்க்கட்சிகளை குறிவைத்து, சிபிஐ, அமலாக்கத் துறை, வருமான வரித் துறை போன்ற விசாரணை அமைப்புகளை மத்திய பாஜக அரசு தவறாக பயன்படுத்துகிறது என்று காங்கிரஸ் உள்ளிட்ட கட்சிகள் குற்றம்சாட்டி வரும் நிலையில், பிரதமா் மோடி இவ்வாறு கூறியுள்ளாா்.

மேலும், பிரதமராக தனது மூன்றாவது பதவிக் காலத்தில், இந்தியப் பொருளாதாரத்தை உலகின் முதல் மூன்று இடங்களுக்குள் கொண்டுவருவேன் என்றும் அவா் கூறினாா்.

பாஜக ஆளும் மத்திய பிரதேசத்தில் வரும் 17-ஆம் தேதி சட்டப் பேரவைத் தோ்தல் நடைபெறவுள்ளது. இதையொட்டி, அங்குள்ள தமோ நகரில் புதன்கிழமை நடைபெற்ற பாஜக பிரசார பொதுக் கூட்டத்தில் பிரதமா் மோடி பங்கேற்றுப் பேசியதாவது:

80 கோடி ஏழை மக்கள் பலனடையும் இலவச உணவு தானிய விநியோகத் திட்டம் மேலும் 5 ஆண்டுகளுக்கு நீட்டிக்கப்படவுள்ளது.

எனது இந்த வாக்குறுதிக்கு எதிராக, தோ்தல் ஆணையத்தில் புகாரளிக்க காங்கிரஸ் விரும்புகிறது. அவா்கள் அந்தப் பாவத்தை செய்தாலும், மக்களுக்கான எனது பணிகள் தொடரும்.