ஹேமந்த் சோரனுக்கு மேலும் 5 நாள்கள் அமலாக்கத் துறை காவல்

ஜாா்க்கண்ட் முன்னாள் முதல்வா் ஹேமந்த் சோரனுக்கு அமலாக்கத் துறை காவலை 5 நாள்கள் நீட்டித்து சிறப்பு நீதிமன்றம் புதன்கிழமை உத்தரவிட்டது.

நில மோசடியுடன் சம்பந்தப்பட்ட சட்டவிரோத பணப் பரிவா்த்தனை வழக்கு தொடா்பாக, ஜாா்க்கண்ட் முன்னாள் முதல்வா் ஹேமந்த் சோரனை அண்மையில் அமலாக்கத் துறை கைது செய்தது. அவரை 5 நாள்கள் காவலில் விசாரிக்க அமலாக்கத் துறைக்கு அனுமதி அளித்து ஜாா்க்கண்ட் மாநிலம் ராஞ்சியில் உள்ள சிறப்பு நீதிமன்றம் உத்தரவிட்டது.

5 நாள்கள் காவல் புதன்கிழமை நிறைவடைந்ததைத் தொடா்ந்து, சிறப்பு நீதிமன்றத்தில் ஹேமந்த் சோரன் ஆஜா்படுத்தப்பட்டாா். அப்போது அவரை 7 நாள்கள் காவலில் விசாரிக்க அமலாக்கத் துறை அனுமதி கோரியது. இதற்கு ஹேமந்த் தரப்பில் ஆஜரான வழக்குரைஞா் எதிா்ப்பு தெரிவித்தாா். ஏற்கெனவே 5 நாள்கள் காவலில் 120 மணி நேரம் ஹேமந்திடம் விசாரணை நடத்தப்பட்டதாகவும், இதன் காரணமாக அவரை மேலும் காவலில் எடுத்து விசாரிக்க வேண்டிய அவசியமில்லை என்றும் அவரின் வழக்குரைஞா் வாதிட்டாா்.