பாஜகவுக்கு வலுவான வெற்றி அவசியம்

தொண்டர்களுக்கு பிரதமர் மோடி வலியுறுத்தல்

நாடு பலனடைவதற்காக, மக்களவைத் தோ்தலில் பாஜகவுக்கு வலுவான வெற்றியை தொண்டா்கள் உறுதிசெய்ய வேண்டும்’ என்று பிரதமா் நரேந்திர மோடி வலியுறுத்தினாா்.

‘அடுத்த 100 நாள்களுக்கு புதிய உத்வேகம்-ஆற்றல்-நம்பிக்கையுடன் பாஜகவினா் பணியாற்ற வேண்டும்’ என்றும் அவா் கேட்டுக் கொண்டாா்.

மக்களவைத் தோ்தல் நெருங்கி வரும் நிலையில், தில்லியில் உள்ள பாரத மண்டபத்தில் பாஜக தேசிய கவுன்சில் கூட்டம் சனிக்கிழமை தொடங்கியது.

நாடு முழுவதும் இருந்து கட்சி நிா்வாகிகள் சுமாா் 11,500 போ் பங்கேற்ற இக்கூட்டத்தின் இரண்டாவது மற்றும் இறுதி நாளான ஞாயிற்றுக்கிழமை பிரதமா் மோடி சுமாா் 65 நிமிஷங்கள் நன்றியுரையாற்றினாா்.

‘மோடி’, ‘மோடி’ என்ற உற்சாக முழக்கத்துக்கு இடையே அவா் பேசியதாவது: இந்தியாவுக்கு அடுத்த 5 ஆண்டுகள் மிக முக்கியமான காலகட்டமாகும். வளா்ச்சியடைந்த பாரதத்தை நோக்கி பெரும் பாய்ச்சலை முன்னெடுக்க வேண்டியுள்ளது. எனவே, மக்களவைத் தோ்தலில் வலுவான எண்ணிக்கையுடன் வெற்றி பெற்று, பாஜக மீண்டும் ஆட்சிக்கு வர வேண்டும்.