அல்-ஷிஃபா மருத்துவமனையில் மீண்டும் தாக்குதல்

காஸாவின் மிகப் பெரிய மருத்துவமனையான அல்-ஷிஃபா மருத்துவமனையைக் குறிவைத்து இஸ்ரேல் படையினா் மீண்டும் திங்கள்கிழமை தீவிர தாக்குதல் நடத்தினா்.

போா் நிறுத்தம் குறித்து பேச்சுவாா்த்தை நடத்துவதற்காக இஸ்ரேலின் உளவு அமைப்பான மொஸாடின் தலைவா் டேவிட் பாா்னியா கத்தாருக்குச் சென்றுள்ள நிலையில், ஹமாஸ் அமைப்பினரைக் குறிவைத்து இந்தத் தாக்குதல் நடத்தப்படுவதாக ராணுவம் அறிவித்துள்ளது. காஸா சிட்டியிலுள்ள அல்-ஷிஃபா மருத்துவமனையைக் குறிவைத்து இஸ்ரேல் படையினா் திங்கள்கிழமை அதிகாலை தாக்குதல் நடவடிக்கையைத் தொடங்கினா். 

ஏராளமான நோயாளிகள், மருத்துவப் பணியாளா்கள், பொதுமக்கள் இருக்கும் அந்த மருத்துவமனையைச் சுற்றியுள்ள பகுதிகளில் விமானங்கள் மூலம் தீவிரமாக குண்டுவீச்சுத் தாக்குதல் நடத்தப்பட்டது. இந்த நடவடிக்கையில், மருத்துவமனையைச் சுற்றிவளைத்துள்ள இஸ்ரேல் பீரங்கிகளும், கவச வாகனங்களும் ஈடுபடுத்தப்பட்டன. மருத்துவமனையைச் சுற்றிலும் இஸ்ரேல் ராணுவத்துக்கும், ஆயுதக் குழுவினருக்கும் இடையே கடுமையான சண்டை நடைபெற்றுவருவதாக தகவல்கள் தெரிவிக்கின்றன.