நாட்டை பிளவபடுத்தி பலவீனமாக்குவதே காங்கிரஸின் நோக்கம் பிரதமர் மோடி குற்றச்சாட்டு

நாட்டை பிளவுபடுத்தி பலவீனப்படுத்துவதுதான் காங்கிரஸின் நோக்கம் என்று பிரதமர் மோடி குற்றம்சாட்டினார்.

மைசூரு மகாராஜா கல்லூரி மைதானத்தில் ஞாயிற்றுக்கிழமை நடைபெற்ற பாஜக தேர்தல் பிரசாரக் கூட்டத்தில் சாமராஜ்நகர், ஹாசன், மைசூரு, மண்டியா தொகுதிகளில் போட்டியிடும் பாஜக, மஜத வேட்பாளர்களை ஆதரித்து அவர் பேசியதாவது: 

கர்நாடகத்தில் ஆட்சி நடத்தும் காங்கிரஸ் அரசு மக்கள் பணத்தை கொள்ளை அடித்து வருவதால், மாநில அரசின் கருவூலம் காலியாகி விட்டது. இதனால் வளர்ச்சிப் பணி கள், நலப் பணிகள் முடங்கியுள்ளன. தேர்தலை சந்திப்பதற்காககர்நாடகத் திலிருந்து கோடிக்கணக்கான ரூபாய் கருப்புப் பணத்தை நாடு முழுவதும் காங்கிரஸ் அனுப்பி வருகிறது. இது தான் காங்கிரஸின் ஆட்சிமுறை.

நாட்டுக்கு சேவை செய்ய தனது குழந்தைகளை ராணுவப் படைகளில் பணியாற்ற அனுப்பிவைக்கும் தாய்மார்கள் கொண்ட நிலம் இந்தியா. இதற்கு மாறாக, கலவரக் குழுக்களின் சுல்தானைப் போல காங்கிரஸ் கட்சி செயல்பட்டு வருகிறது. நாட்டை பிளவுபடுத்தி, பல வீனப்படுத்துவதுதான் காங்கிரஸ் கட்சியின் எண்ணம். நாட்டின் மீது வெறுப்பை ஏற்படுத்துவதற்கான அனைத்து எல்லைகளையும் காங்கிரஸ் கடந்துள்ளது.