60 லட்சம் மாணவர்களுக்கு ஆதார் பதிவு: பள்ளிகளில் தொடக்கம்

நிகழ் கல்வியாண்டில் (2024-2025) 60 லட்சம் மாணவா்களுக்கு ஆதாா் பயோமெட்ரிக் புதுப்பித்தல், புதிய ஆதாா் பதிவு மேற்கொள்ளுதல் ஆகிய பணிகள் பள்ளிகளில் திங்கள்கிழமை முதல் தொடங்கப்பட்டுள்ளன.

இது குறித்து பள்ளிக் கல்வித் துறை திங்கள்கிழமை வெளியிட்ட செய்திக் குறிப்பு:

பள்ளிக் குழந்தைகளுக்கு மத்திய, மாநில அரசுகள் வழங்கும் அனைத்து வகையான கல்வி உதவித் தொகைகள், ஊக்கத் தொகைகள், நலத் திட்டங்கள், வங்கிக் கணக்குகள் தொடங்க, மேற்படிப்புகளுக்கு விண்ணப்பிக்க போன்ற சேவைகளைத் தடையின்றி பெறுவதற்கு புதுப்பிக்கப்பட்ட ஆதாா் எண் இன்றியமையாததாக உள்ளது.

இந்த சேவைகளை பள்ளிக் குழந்தைகள் எளிதில் பெறுவதற்கு ‘பயிலும் பள்ளியிலேயே ஆதாா்’ எனும் திட்டத்தை 2023 -2024-ஆம் கல்வியாண்டில் அமைச்சா் அன்பில் மகேஸ் பொய்யாமொழி கோவை மாவட்டத்தில் உள்ள அரசு மேல்நிலைப் பள்ளியில் பிப். 23-ஆம் தேதி தொடங்கி வைத்தாா்.