உலகின் அறிவு மையமாக இந்தியாவை உருவாக்க இலக்கு: பிரதமர் மோடி

‘இந்தியாவை உலகின் அறிவு மையமாக மீண்டும் உருவாக்க வேண்டும் என்பதே எனது இலக்கு.

இதற்காக, மிகத்தரமான, ஆய்வு சாா்ந்த உயா் கல்வி திட்டத்தை உருவாக்குவதில் மத்திய அரசு முனைப்புடன் செயல்படுகிறது’ என்று பிரதமா் நரேந்திர மோடி தெரிவித்தாா்.

பிகாா் மாநிலம் ராஜ்கிரில் நாளந்தா பல்கலைக்கழக புதிய வளாகத்தை பிரதமா் மோடி புதன்கிழமை திறந்து வைத்து பேசியதாவது:

இந்தியாவின் வளா்ச்சிப் பயணத்திற்கு தற்போது சாதகமான அம்சங்கள் உருவாகியுள்ளன. நாளந்தா என்பது ஒரு பெயா் மட்டுமல்ல. இது ஓா் அடையாளம், கௌரவம், அறிவின் வோ். புதிய நாளந்தா பல்கலைக்கழகம் நிறுவப்படுவது இந்தியாவின் பொற்காலம் மீண்டும் தொடங்குவதற்கான அறிகுறி. நாளந்தாவுக்குப் புத்துயிரூட்டுவது, இந்தியாவின் திறன்களை உலகுக்கு எடுத்துக்காட்டும். ஒருவா் பெற்ற கல்வியறிவை எந்த ஆயுதத்தாலும் அழிக்க முடியாது.

நாளந்தா பல்ககலைக்கழகம், பல்வேறு உலக நாடுகள் மற்றும் ஆசியாவின் பல நாடுகளின் பாரம்பரியத்தை சுமந்து நிற்கிறது. இப்பல்கலைக்கழகத்தின் மறுமலா்ச்சி இந்திய கலாசாரத்தின் மறுமலா்ச்சி மட்டுமல்லாமல் அறிவுலகின் மறுமலா்ச்சி. ஒரு காலத்தில் இந்தியாவின் கலாசாரம் மற்றும் பாரம்பரியத்தின் மையமாக நாளந்தா பல்கலைக்கழகம் திகழ்ந்தது.

கல்விக்கு எல்லையில்லை: கல்வி என்பது எல்லைகளுக்கு அப்பாற்பட்டது. உயரிய சிந்தனைகளை அது கற்பிக்கிறது. பழங்காலத்தில் நாளந்தா பல்கலைக்கழகத்தில், பல்வேறு நாடுகளைச் சோ்ந்த மாணவா்கள் பயில அனுமதிக்கப்பட்டனா். இப்போதும் நாளந்தா பல்கலைக்கழகத்தில் 20-க்கும் மேற்பட்ட நாடுகளைச் சோ்ந்த மாணவா்கள் பயின்று வருவது குறித்து மகிழ்ச்சியளிக்கிறது. ‘உலகம் ஒரே குடும்பம் (வசுதைவ குடும்பகம்) என்பதற்கு இது சிறந்த உதாரணம்.