பிரிட்டன் புதிய பிரதமர் கியெர் ஸ்டார்மர்

தொழிலாளர் கட்சி அமோக வெற்றி; ரிஷி சுனக் கட்சி படுதோல்வி

பிரிட்டன் பொதுத் தேர்தலில் தொழிலாளர் கட்சி வலுவான பெரும்பான்மையுடன் வெற்றி பெற்று ஆட்சியைக் கைப்பற்றியது. இதைத் தொடர்ந்து, அந்நாட்டின் 58-ஆவது பிரதமராக தொழிலாளர் கட்சியின் தலைவர் கியெர் ஸ்டார்மர் (61) வெள்ளிக்கிழமை பொறுப்பேற்றார்.

பிரிட்டனில் ஆளுங்கட்சியாக இருந்த கன்சர்வேட்டிவ் கட்சி, தேர்தலில் முன்னெப்போதும் இல்லாத தோல்வியைச் சந்தித்தது. இத்தோல் விக்கு பொறுப்பேற்று, கன்சர்வேட்டிவ் கட்சித் தலைவர் பதவியில் இருந்து விலகுவதாக அறிவித்தரிஷி சுனக், பிரதமர் பதவியையும் ராஜி நாமா செய்தார்.

பிரிட்டனில் கடந்த 14 ஆண்டுகளாக கன்சர்வேட்டிவ் கட்சியின் ஆட்சி நடைபெற்றுவந்த நிலையில், அங்கு ஆட்சி மாற்றம் ஏற்பட்டுள்ளது.

‘பிரெக்ஸிட்'-க்கு பிறகு முதல் தேர்தல்: பிரிட்டன் நாடாளுமன்றக் கீழவையான மக்களவைக்கு (ஹவுஸ் ஆஃப்காமன்ஸ்) வியாழக் கிழமை தேர்தல் நடைபெற்றது.

ஐரோப்பியயூனியனில் இருந்து பிரிட்டன் வெளியேறிய (பிரெக்ஸிட் பிறகு நடைபெற்ற முதல் பொதுத்தேர்தல் இதுவாகும். மொத்தமுள்ள 650 தொகுதிகளில் உள்ளூர் நேரப்படி காலை 7 மணி முதல் இரவு 10 மணி வரை வாக்குப் பதிவு நடைபெற்றது. சுமார் 4.6 கோடி பேர் வாக்களிக்க தகுதி பெற்றிருந்த இத்தேர்தல், வாக்குச் சீட்டு முறையில் நடைபெற்றது. வாக்குப் பதிவு முடிந்த பின்னர் வாக்குகள் எண்ணப்பட்டு முடிவுகள் அறிவிக் கப்பட்டன.

தொழிலாளர் கட்சி அமோகம்: மொத்தமுள்ள 650 தொகுதிகளில் தொழிலாளர் கட்சி 412 இடங்களைக் கைப்பற்றியது. பெரும்பான் மைக்கு 326 தொகுதிகள் தேவை என்ற நிலையில், அக்கட்சிக்கு மிகப்பெரியபலம் கிடைத்துள்ளது.அதே நேரம், கன்சர்வேட்டிவ் கட்சிக்கு 121 இடங்களே கிடைத்தன.

லிபரல் டெமாக்ரட்ஸ் (எல்.டி.) கட்சி 71 இடங்களிலும், ஸ்காட்டிய தேசியக் கட்சி (எஸ்.என்.பி.) 9 இடங்களிலும், பிறகட்சிகள் மற்றும் சுயேச்சை வேட்பாளர்கள் 37 இடங்களிலும் வெற்றி பெற்றனர்.