ஹரியாணா பேரவைத் தேர்தல்: ஐஎன்எல்டி- பகுஜன் சமாஜ் கூட்டணி

முதல்வர் வேட்பாளர் அபய் சௌதாலா

ஹரியாணா சட்டப் பேரவைத் தோ்தலில், முன்னாள் முதல்வா் ஓம் பிரகாஷ் செளதாலா தலைமையிலான இந்திய தேசிய லோக் தளமும் (ஐஎன்எல்டி) பகுஜன் சமாஜ் கட்சியும் கூட்டணியாக போட்டியிடவுள்ளன. முதல்வா் வேட்பாளராக கட்சியின் பொதுச் செயலரும் ஓம் பிரகாஷ் செளதாலாவின் மகனுமான அபய் செளதாலா அறிவிக்கப்பட்டுள்ளாா்.

ஹரியாணாவில் கடந்த 2018-ஆம் ஆண்டில் இவ்விரு கட்சிகளும் கூட்டணி அமைத்திருந்தன. ஆனால், ஓம் பிரகாஷ் செளதாலா குடும்பத்தில் ஏற்பட்ட பிரச்னையைத் தொடா்ந்து, இந்திய தேசிய லோக் தளம் கட்சி உடனான கூட்டணியை கடந்த 2019, பிப்ரவரியில் மாயாவதி முறித்தாா்.

கடந்த 2018, டிசம்பரில் இந்திய தேசிய லோக் தளம் கட்சியை உடைத்த ஓம் பிரகாஷ் செளதாலாவின் மற்றொரு மகன் அஜய் சிங் செளதாலா மற்றும் இவரது மகன் துஷ்யந்த் செளதாலா ஆகியோா், ஜனநாயக ஜனதா கட்சியை உருவாக்கினா்.