உ.பி. முதல்வருக்கு எதிராக துணை முதல்வர் போர்க்கொடி?

உத்தர பிரதேச முதல்வர் யோகி ஆதித்யநாத்துக்கு எதிராக துணை முதல்வர் கேசவ் பிரசாத் மௌரியா போர்க்கொடி உயர்த்தியிருப்பதாக தகவல்கள் வெளியாகியுள்ளன.

இந்தச் சூழலில், பிரதமர் நரேந்திர மோடியை மாநில பாஜக தலைவர் பூபேந்திர சிங் சௌதரி புதன்கிழமை சந்தித்துப் பேசினார்.

அப்போது, மாநிலத்தில் கட்சியின் அமைப்பு ரீதியான பிரச்னைகள் குறித்து பிரதமரிடம் சௌதரி எடுத்துரைத்ததாக கட்சி வட்டாரங்கள் தெரிவித்தன. இதனால் பாஜக ஆட்சி செய்து வரும் உத்தர பிரதேச அரசில் குழப்பம் ஏற்பட்டுள்ளது.

சமீபத்திய தேர்தலில் மக்களவைத் தேர்தலில் உத்தரபிரதேசத்தில் 80 தொகுதிகளில் பாஜகவுக்கு 33 இடங்களே கிடைத்தன. எதிர்க்கட்சியான சமாஜவாதி 37 இடங்களையும், காங்கிரஸ் 6 இடங்களையும் வென்றன.

முந்தைய தேர்தலில் 62 தொகுதிகளில் பாஜகவென்றிருந்தது.

தேர்தல் முடிவுகள் எதிரொலியாக, முதல்வர் யோகி ஆதித்யநாத்துக்கும் துணை முதல்வர் கேசவ் பிரசாத் மௌரியாவுக்கும் இடையே கருத்து வேறுபாடு தீவிரமாக மாறியுள்ளதாக கூறப்படுகிறது.

முதல்வர் செயல்படும் பாணி குறித்து கேசவ் பிரசாத் மற்றும் மக்களவைத் தேர்தலில் தோல்வியடைந்த சில தலைவர்கள் அதிருப்தியில் உள்ளதாக தகவல்கள் வெளியாகியுள்ளன.