இடஒதுக்கீட்டில் முறைகேடு: பயிற்சி ஐஏஎஸ் அதிகாரி மீது வழக்குப் பதிவு

இடஒதுக்கீட்டை தவறாகப் பயன்படுத்தி குடிமைப் பணித் தேர்வுகளில் மோசடியில் ஈடுபட்ட பயிற்சி ஐஏஎஸ் அதிகாரி பூஜா கேத்கர் மீது காவல் துறை வழக்குப் பதிவு செய்தது.

மகாராஷ்டிர மாநிலம், புணேவில் பயிற்சி ஐஏஎஸ் அதிகாரியாக பணியாற்றியபோது அதிகாரத்தை தவறாகப் பயன்படுத்திய குற்றச்சாட்டில் அண்மையில் பூஜா கேத்கர் சிக்கினார். இதைத் தொடர்ந்து, இதர பிற்படுத்தப்பட்ட வகுப்பினர் (ஓபிசி) மற்றும் மாற்றுத்திறனாளிகளுக்கான இடஒதுக்கீட்டை தவறாகப் பயன்படுத்தி பணியில் சேர்ந்தது உள்பட அவர் மீது பல்வேறு குற்றச்சாட்டுகள் எழுந்தன.