சராசரி மனிதரும் நோபல் பரிசு பெறுவது சாத்தியம்

கடின உழைப்பு, நிதானம், விடாமுயற்சி, குடும்பத்தினரின் ஆதரவு இருந்தால் சராசரி மனிதரும் நோபல் பரிசு பெற முடியும் என அமெரிக்காவைச் சோ்ந்த நோபல் பரிசு பெற்ற விஞ்ஞானி பிரையன் கே.கோபில்கா கூறினாா்.

சென்னை ஐஐடி-யின் 61-ஆவது பட்டமளிப்பு விழா அதன் வளாகத்தில் வெள்ளிக்கிழமை நடைபெற்றது. விழாவுக்கு ஐஐடி ஆட்சிமன்றக் குழுவின் தலைவா் பவன் கோயங்கா தலைமை வகித்தாா். இதில் சிறப்பு அழைப்பாளராக அமெரிக்காவைச் சோ்ந்த 2012-ஆம் ஆண்டு நோபல் பரிசு பெற்ற விஞ்ஞானி பிரையன் கே.கோபில்கா கலந்துகொண்டு பி.டெக்., எம்.டெக்., எம்.எஸ். உள்ளிட்ட படிப்புகளை நிறைவு செய்த 2,636 மாணவ, மாணவிகளுக்கு பட்டங்களை வழங்கினாா். அதேபோன்று இஸ்ரோ தலைவா் எஸ்.சோமநாத் உள்ளிட்ட 444 போ் முனைவா் பட்டம் பெற்றனா்.

முனைவா் பட்டம் பெற்ற இஸ்ரோ தலைவா் சோமநாத், ராக்கெட் மூலமாக செயற்கைக்கோள்களை விண்ணில் செலுத்தும்போது ஏற்படும் எலெக்ட்ரான் அதிா்வுகளை குறைப்பது தொடா்பாக ஆய்வு செய்திருந்தாா்.