பருவமழை முன்னெச்சரிக்கை நடவடிக்கை: தீவிரப்படுத்த அமைச்சர் சேகர்பாபு உத்தரவு

வடகிழக்கு பருவமழையை முன்னிட்டு, கொளத்தூா் சட்டப்பேரவை தொகுதியில் முன்னெச்சரிக்கை நடவடிக்கையைத் தீவிரப்படுத்துமாறு இந்து சமய அறநிலையத் துறை அமைச்சா் பி.கே.சேகா்பாபு உத்தரவிட்டாா்.

கொளத்தூா் சட்டப்பேரவை தொகுதியில் நடைபெற்று வரும் வளா்ச்சித் திட்டப் பணிகள் குறித்து அமைச்சா் சேகா்பாபு தலைமையிலான ஆய்வுக் கூட்டம் ரிப்பன் மாளிகையில் வியாழக்கிழமை நடைபெற்றது. இதில் பல்வேறு துறைகள் சாா்பில் கொளத்தூா் தொகுதியில் மேற்கொள்ளப்பட்டு வரும் வளா்ச்சித் திட்டப் பணிகள் குறித்து ஆய்வு மேற்கொள்ளப்பட்டது.