சென்னை ஐஐடி-க்கு முன்னாள் மாணவர் ரூ.228 கோடி நன்கொடை

சென்னை ஐஐடி.க்கு அதில் படித்த முன்னாள் மாணவர் கிருஷ்ணா சிவுகுலா ரூ.228 கோடி நன் கொடை வழங்கியுள்ளார்.

கல்வி நிறுவனம் ஒன்றுக்கு இதுவரை வழங்கப்பட்டதில் மிகப்பெரிய தொகை யான இந்த நன்கொடை, ஆராய்ச்சி, சென்னை ஐஐடி.யில் பயிலும் சர்வதேச ஆராய்ச்சி மாணவர்கள், கல்வி உதவித் தொகை, மாணவர் உதவித் தொகை போன்றவற்றுக்கு பயன்படுத்தப்படவுள்ளது.

கிருஷ்ணா சிவுகுலா சென்னை ஐஐடி.யில் கடந்த 1970-ஆம் ஆண்டில் எம்.டெக் பட்டம் பெற்றார். அத்துடன் 1980-ஆம் ஆண்டில் ஹார்வர்டு பிசினஸ் பள்ளியில் எம்பிஏ பட்டம் பெற்றார்.

நியூயார்க்கில் உள்ள ஹாஃப்மேன் குழும நிறுவனங்களில் குழுமத் தலைவர் மற்றும் தலைமை நிர்வாக அதிகாரியாகப் பணியாற்றினார். இதையடுத்து அதி உயர் தூய்மைப் பொருள்களைச் சான்றளிக்க அட்வான்ஸ்ட்மாஸ் ஸ்பெக்ட்ரோகோபியில் நிபுணத்துவம் பெற்ற 'ஷிவா டெக்னா லஜிஸ் இன்க்.' என்ற நிறுவனத்தை 1990ஆம் ஆண்டில் நிறுவினார்.

தொடர்ந்து 1997-இல் 'மெட்டல் இன் ஜெக்சன் மோல்டிங்' (எம்ஐஎம்) எனப்படும் அதிநவீன பொறியியல் உற்பத்தித் தொழில் நுட்பத்தை இந்தியாவுக்குக் கொண்டு வந்தார். இது அமெரிக்காவில் அப்போது வளர்ந்துவரும் தொழில்நுட்பமாக இருந்தது.