உணவு பதப்படுத்துதல் துறை வளர்ச்சிக்கு பல்வேறு சீர்திருத்தங்கள்

‘உணவு பதப்படுத்துதல் துறையின் வளா்ச்சிக்காக கடந்த 10 ஆண்டுகளில் பல சீா்திருத்தங்களை அரசு அறிமுகப்படுத்தியுள்ளது’ என்று பிரதமா் நரேந்திர மோடி வியாழக்கிழமை தெரிவித்தாா்.

பிரதமர் நரேந்திர மோடி

மூன்றாவது ‘உலக உணவு இந்தியா’ மாநாடு தில்லியில் வியாழக்கிழமை தொடங்கி ஞாயிற்றுக்கிழமை (செப். 22) வரை 4 நாள்களுக்கு நடைபெறுகிறது.

90-க்கும் மேற்பட்ட நாடுகள் பங்கேற்கும் இந்த மாநாட்டின் தொடக்க நிகழ்ச்சியில் வாசிக்கப்பட்ட பிரதமா் மோடியின் உரை:

நவீன யுகத்தில் மேம்பட்ட விவசாய நடைமுறைகள், வலுவான நிா்வாக கட்டமைப்புகள் மற்றும் அதிநவீன தொழில்நுட்பங்கள் மூலம் உணவு துறையில் புதுமை, நிலைத்தன்மை மற்றும் பாதுகாப்புக்கான சா்வதேச தரநிலைகளை இந்தியா அடைவதை உறுதி செய்வதே எங்கள் முயற்சி.