மரத்தில் வேன் மோதி விபத்து: 7 பேர் உயிரிழப்பு-ராணிப்பேட்டையைச் சேர்ந்தவர்கள்

கள்ளக்குறிச்சி உளுந்தூர்பேட்டை மாவட்டம், ராணிப் அருகே புதன்கிழமை அதிகாலை சாலையோர மரத்தில் வேன் மோதி விபத்துக்குள்ளானதில் பேட்டை மாவட்டத்தைச் சேர்ந்த 7 பேர் உயிரிழந்தனர்; 16 பேர் பலத்த காயமடைந்தனர்.

ராணிப்பேட்டை மாவட்டம், ஆற்காடு வட்டம், மாம்பாக்கம் கிராமம், வாழப்பந்தல் சாலையைச் சேர்ந்தவர் குட்டி (எ) செல்வம் (50). இவருடன் அருகிலுள்ள மாம்பாக்கம், மேலப்பழுந்தை, லாடாவரம், குந்தனூர், கூராம்பட்டி கிராமங்களைச் சேர்ந்த 22 பேர் திருச்செந்தூர் சுப்பிரமணிய சுவாமி கோயிலுக்கு கடந்த 23-ஆம் தேதி இரவு வேனில் புறப்பட்டனர். மாம்பாக்கத்தைச் சேர்ந்த பிள்ளையார் மகன் வசந்தகுமார் (36) வேனை ஓட்டினார்.

திருச்செந்தூரில் செவ்வாய்கிழமை சுவாமி தரிசனம் முடித்த பின்பு, பிற்பகலில் மதுரை மீனாட்சியம்மன் கோயிலுக்குச் சென்றனர். அங்கிருந்து இரவு 7 மணிக்கு சொந்த ஊருக்குப் புறப்பட்டனர்.

இவர்களது வேன் திருச்சி சென்னை தேசிய நெடுஞ்சாலையில், கள்ளக்குறிச்சி மாவட்டம், உளுந்தூர்பேட்டை வட்டம், சிறுத்தனூர் ஜெயசூரியா நகர் பகுதியில் புதன்கிழமை அதிகாலை 2.30 மணிக்கு வந்தபோது, ஓட்டுநரின் கட்டுப்பாட்டை இழந்து சாலையோர மரத்தின் மீது மோதி விபத்துக்குள்ளானது.