36 அரசு மருத்துவக் கல்லூரிகளில் முதியோர் பராமரிப்பு உதவியாளர் படிப்பு தொடக்கம்

தமிழகத்தில் உள்ள 36 அரசு மருத்துவக் கல்லூரிகளில் முதியோர் பராமரிப்பு உதவியாளர் சான்றிதழ் படிப்பு தொடங்கப்பட்டுள்ளது.

முதலாம் ஆண்டு படிப்பில் சேர்ந்த மாணவர்களுக்கு அதற்கான ஆணைகளை மக்கள் நல்வாழ்வுத் துறை அமைச்சர் மா. சுப்பிரமணியன் செவ்வாய்க்கிழமை வழங்கினார்.

சென்னை கிண்டி, தேசிய முதியோர் நல மருத்துவமனையில் நடைபெற்ற இதற்கான நிகழ்வில் பங்கேற்ற அவர், விளையாட்டுப் போட்டிகளில் வெற்றி பெற்ற முதியோருக்கு பரிசளித்தார்.

இதில், மருத்துவக் கல்வி மற்றும் ஆராய்ச்சி இயக்குநர் ஜெ. சங்குமணி, ராஜீவ்காந்தி அரசு பொது மருத்துவமனை முதல்வர் எ. தேரணிராஜன், தேசிய முதியோர் நல மருத்துவமனை இயக்குநர் தீபா, கலைஞர் நூற்றாண்டு உயர்சிறப்பு மருத்துவமனை இயக்குநர் டாக்டர் பார்த்தசாரதி, தென் சென்னை நாடாளுமன்ற உறுப்பினர் தமிழச்சி தங்கபாண்டியன், சோழிங்கநல்லூர் தொகுதி எம்எல்ஏ அரவிந்த் ரமேஷ் உள்ளிட்டோர் உடன் இருந்தனர்.