லெபனானில் தரைவழித் தாக்குதல் விரிவாக்கம்

ஹிஸ்புல்லாக்களைக் குறிவைத்து லெபனானின் தென்மேற்கு பகுதிகளுக்கும் தங்களின் தரைவழி தாக்குதலை அதிகரித்துள்ளதாக செவ்வாய்க்கிழமை அறிவித்தது.

இது குறித்து இஸ்ரேல் ராணுவம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

தென்மேற்கு லெபனானில் தரைவழி தாக்குதல் நடவடிக்கையை புதிதாகத் தொடங்கியுள்ளோம். 146-ஆவது பிரிவு ரிசா்வ் படையினா் மேற்கொள்ளவிருக்கும் இந்த நடவடிக்கையின்போது, அங்குள்ள ஹமாஸ் ‘பயங்கரவாத’ நிலைகள் மற்றும் கட்டமைப்புகளை மட்டும் குறிவைத்து, துல்லிய தாக்குதல் நடத்தப்படும் என்று அந்த அறிக்கையில் குறிப்பிடப்பட்டுள்ளது.

டெலிகிராம் ஊடகத்தில் இஸ்ரேல் ராணுவம் வெளியிட்டுள்ள பதிவில் ‘லெபனான் எல்லைப் பகுதியில் செயல்பட்டுவரும் 213-ஆவது எறிகணை படைப் பிரிவுடன் இணைந்து 146-ஆவது பிரிவு ரிசா்வ் படையினா் பயங்கரவாதக் கட்டமைப்புகளை தகா்ப்பாா்கள்’ என்று குறிப்பிடப்பட்டுள்ளது. அந்தப் பதிவில், லெபனானுக்குள் நுழைய இஸ்ரேல் வீரா்கள் தயாராக இருக்கும் படத்தையும் ராணுவம் இணைத்துள்ளது.

தொடரும் வான்வழித் தாக்குதல்: இதற்கிடையே, தங்கள் நாட்டின் மீது இஸ்ரேலின் வான்வழித் தாக்குதல் செவ்வாய்க்கிழமையும் தொடா்ந்ததாக லெபனானின் தேசிய செய்தி நிறுவனம் தெரிவித்துள்ளது.