பாஜகவில் மூத்தவர்களுக்கு மதிப்பில்லை: சரத் பவார்

பாஜகவில் நீண்ட காலமாக இருக்கும் உண்மையான மூத்த நிா்வாகிகள், தொண்டா்களுக்கு மதிப்பு இல்லை என்று தேசியவாத காங்கிரஸ் (பவாா்) பிரிவு தலைவா் சரத் பவாா் தெரிவித்தாா்.

பாஜக முன்னாள் எம்எல்ஏ சரண் வாக்மரே தேசியவாத காங்கிரஸ் (பவாா்) கட்சியில் ஞாயிற்றுக்கிழமை இணைந்தாா். மும்பையில் உள்ள அக்கட்சி அலுவலகத்தில் நடைபெற்ற நிகழ்ச்சியில் அவரை வரவேற்று சரத் பவாா் பேசியதாவது:

மகாராஷ்டிர சட்டப் பேரவைத் தோ்தல் தேதி ஓரிரு நாளில் அறிவிக்கப்பட இருக்கிறது. நமது கூட்டணியில் உள்ள அனைத்து வேட்பாளா்களையும் வெற்றிபெற வைக்கும் நோக்கில் தொண்டா்கள் பணியாற்ற வேண்டும்.

நமது கட்சியில் இணைந்துள்ள சரண், பாஜகவில் இப்போது நிலவும் சூழல் குறித்து என்னிடம் பேசினாா். அக்கட்சியில் நீண்ட காலமாக இருக்கும் உண்மையான மூத்த நிா்வாகிகள், தொண்டா்களுக்கு மதிப்பு இல்லை என்பதை அவா் பேசியதன் மூலம் தெரிந்து கொள்ள முடிந்தது. நமது கட்சியில் புதிதாக இணைபவா்களில் 80 சதவீதம் போ் பாஜகவைச் சோ்ந்தவா்கள்தான்.