தலைமைச் செயலக கட்டடத்திலிருந்து ஊழியர்கள் வெளியேறியதால் பரபரப்பு

சென்னை தலைமைச் செயலக கட்டடத்தில் வியாழக்கிழமை டைல்ஸ்கள் திடீரென வெடித்ததால் தரையில் விரிசல் ஏற்பட்டு பெரும் சப்தம் எழுந்தது.

இதைக் கட்டட அதிர்வு என பீதியடைந்து ஊழியர்கள் அனைவரும் வெளியேறியதால் பரபரப்பு ஏற்பட்டது.

சென்னை தலைமைச் செயலகத்தில் உள்ள நாமக்கல் கவிஞர் மாளிகை 10 தளங்களைக் கொண்டது. அரசின் பல்வேறு துறைகள் செயல்பட்டு வரும் இந்தக் கட்டடத்தின் முதல் தளத்தில் வேளாண்மைத் துறைச் செயலர் மற்றும் அந்தத் துறை சார்ந்த பிரிவு அலுவலகங்கள் உள்ளன.