3-0 என இந்தியாவை ஒயிட் வாஷ் செய்தது

நியூஸிலாந்து வரலாற்று வெற்றி

மும்பை டெஸ்ட் ஆட்டத்தில் 25 ரன்கள் வித்தியாசத்தில் இந்தியாவை வீழ்த்தி வரலாற்று வெற்றியுடன் தொடரையும் 3-0 என ஒயிட் வாஷ் செய்தது நியூஸிலாந்து.

உலக டெஸ்ட் சாம்பியன்ஷிப் தொடரின் ஒரு பகுதியாக இரு அணிகளுக்கு இடையே 3 ஆட்டங்கள் தொடர் நடைபெற்றது. பெங்களூரில் நடைபெற்ற முதல் டெஸ்டில் 8 விக்கெட் வித்தியாசத்திலும், புணே டெஸ்டில் 113 ரன்கள் வித்தியாசத்திலும் நியூஸிலாந்து அதிரடி வெற்றி பெற்று தொடரையும் கைப்பற்றியது.

முதல் இன்னிங்ஸ் நியூஸிலாந்து 235, இந்தியா 263: இந்நிலையில் கடைசி மற்றும் மூன்றாவது ஆட்டம் மும்பை வாங்கடே மைதானத்தில் நவ. 1-ஆம் தேதி தொடங்கி நடைபெற்றது.

முதல் இன்னிங்ஸில் நியூஸிலாந்து 235 ரன்களுக்கு ஆல் அவுட் டானது. வில் யங் 71, டேரில் மிட்செல் 82 ரன்களை விளாசினர். பௌலிங்கில் ரவீந்திர ஜடேஜா 5-65, வாஷிங்டன் சுந்தர் 4-81 விக்கெட்டுகளை சாய்த்தனர்.

இந்தியா அணி முதல் இன்னிங்ஸில் 263 ரன்களுக்கு ஆல் அவுட் டானது. ஷுப்மன் கில் 90, ரிஷப் பந்த் 60 ரன்களை விளாசினர். நியூஸிலாந்து தரப்பில் அஜாஸ் படேல் 5-103 விக்கெட்டுகளை வீழ்த்தினார்.