அமலாக்கத் துறை மனு மீதான விசாரணை 2 வாரத்துக்கு ஒத்திவைப்பு

சட்டவிரோத மணல் குவாரி விவகாரத்தில், ஒப்பந்ததாரர்களுக்கு எதிராக விசாரணை மேற்கொள்வதற்கும், அவர்களது சொத்துகளை முடக்குவதற்கும் சென்னை உயர்நீதிமன்றம் விதித்த தடையை எதிர்த்து அமலாக்கத் துறை தொடந்த மேல்முறையீட்டு மனு மீதான விசாரணையை இரு வாரத்திற்கு ஒத்திவைத்து உச்சநீதிமன்றம் திங்கள்கிழமை உத்தரவிட்டது.

- நமது நிருபர்

தமிழகத்தில் உள்ள மணல் குவாரிகளில் முறைகேடுகள் நடப்பதாகக் குற்றச்சாட்டு எழுந்தது. இதைத் தொடர்ந்து, பல்வேறு மணல் குவாரி ஒப்பந்ததாரர்களின் வீடுகள் மற்றும் அவர்கள் தொடர்புடைய இடங்களில் கடந்த 2023-ஆம் ஆண்டு அமலாக்கத் துறை சோதனையிட்டு, சொத்துகளை முடக்கி, சட்டவிரோதப் பணப் பரிவர்த்தனை வழக்குப் பதிவு செய்தது.