ஜம்மு-காஷ்மீர் பேரவையில் அமளி-மோதல்

பாஜக எம்எல்ஏக்கள் வெளியேற்றம்

ஜம்மு-காஷ்மீருக்கு மீண்டும் சிறப்பு அந்தஸ்து கோரும் தீர்மானத்துக்கு எதிராக பேரவையில் பாஜக எம்எல்ஏக்கள் வியாழக்கிழமையும் கடும் அமளியில் ஈடுபட்டனர். அவைத் தலைவரின் உத்தரவின்பேரில், தங்களை வெளியேற்ற முயன்ற அவைக் காவலர்களுடன் பாஜக எம்எல்ஏக்கள் மோதலில் ஈடுபட்டனர். பின்னர், அவர்கள் வெளியேற்றப்பட்டனர்.

ஜம்மு-காஷ்மீரில் அண்மையில் நடைபெற்ற பேரவைத் தேர்தலில் தேசிய மாநாட்டுக் கட்சி-காங்கிரஸ் கூட்டணி வெற்றி பெற்றதைத் தொடர்ந்து, முதல்வராக ஓமர் அப்துல்லா பதவியேற்றார்.

ஜம்மு-காஷ்மீர் யூனியன் பிரதேச பேரவையின் முதலாவது கூட்டத் தொடர், கடந்த திங்கட்கிழமை தொடங்கி நடைபெற்று வருகிறது. கடந்த புதன்கிழமை அமர்வின்போது, ஜம்மு-காஷ்மீருக்கு மீண்டும் சிறப்பு அந்தஸ்து கோரும் தீர்மானம், முதல்வர் ஓமர் அப்துல்லா தலைமையிலான அரசால் கொண்டுவரப்பட்டது.