மத அடிப்படையிலான இடஒதுக்கீட்டை அமல்படுத்த காங்கிரஸை பாஜக அனுமதிக்காது: அமித் ஷா

மத அடிப்படையிலான இடஒதுக்கீட்டை அமல்படுத்த காங்கிரஸை பாஜக ஒருபோதும் அனுமதிக்காது என்று மத்திய உள்துறை அமைச்சர் அமித் ஷா கூறினார்.

மேலும், காஷ்மீருக்கு சிறப்பு அந்தஸ்து அளித்துவந்த அரசமைப்புச் சட்டப் பிரிவு 370-ஐ உங்களின் நான்காவது தலைமுறையினர் கூட திரும்பக் கொண்டுவர முடியாது என்று எதிர்க்கட்சித் தலைவர் ராகுலை அவர் எச்சரித்தார்.

பாஜக சார்பில் போட்டியிடும் வேட்பாளர்களை ஆதரித்து ராஞ்சி மற்றும் பலமு பகுதிகளில் நடைபெற்ற பிரசாரக் கூட்டங்களில் அமித் ஷா பேசியதாவது:

பொதுக் கூட்டங்களில் பங்கேற்கும் ராகுல் காந்தி அரசமைப்புச் சட்ட நகலை காண்பித்து வருகிறார். அப்போது, அதன் உண்மை நிலை வெளிப்பட்டுள்ளது.