பணவீக்கத்தின் தாக்கம் எதிரொலி: சென்செக்ஸ், நிஃப்டி மேலும் சரிவு

இந்த வாரத்தின் மூன்றாவது வர்த்தக தினமான புதன்கிழமையும் பங்குச்சந்தை எதிர்மறையாக முடிந்தது. இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச்சந்தை குறியீட்டு எண்ணான நிஃப்டி ஆகிய இரண்டும் கடும் சரிவுடன் நிறைவடைந்தன.

உலகளாவிய சந்தைக் குறிப்புகள் பலவீனமாக இருந்தன. இதன் தாக்கம் உள்நாட்டுச் சந்தையிலும் எதிரொலித்தது. இதனால், சரிவுடன் தொடங்கிய சந்தை, பின்னர் சற்று மேலே சென்றது. ஆனால், உச்சத்தில் அதிக அளவில் முன்னணிப் பங்குகள் விற்பனைக்கு வந்தன. சில்லறை பணவீக்கம் அக்டோபரில் 14 மாதங்களில் இல்லாத அளவுக்கு அதிகரித்து 6.21 சதவீதமாக உயர்ந்ததும், வெளிநாட்டு நிதி தொடர்ந்து வெளியேறுவதும் பங்குச்சந்தையில் தாக்கத்தை ஏற்படுத்தியது.

இதனால், வங்கி, ஆட்டோ, நிதி நிறுவனங்கள், மெட்டல், ரியால்ட்டி, ஆயில் & காஸ் உள்பட அனைத்துத் துறை குறியீடுகளும் வீழ்ச்சிப் பட்டியலில் இருந்தன என்று பங்கு வர்த்தகத் தரகு நிறுவனங்கள் தெரிவித்தன.

சென்செக்ஸ் மேலும் சரிவு