இலங்கை நாடாளுமன்றத் தேர்தல்: 65% வாக்குப் பதிவு

இலங்கையில் வியாழக்கிழமை நடைபெற்ற நாடாளுமன்றத் தேர்தலில் 65 சதவீதம் பேர் வாக்களித்திருக்கக் கூடும் என்று தேர்தல் ஆணையம் கணித்துள்ளது.

மொத்தம் 225 இடங்களைக் கொண்ட இலங்கை நாடாளுமன்றத் தேர்தல் வியாழக்கிழமை நடைபெற்றது. மொத்த மக்கள்தொகையான 2.10 கோடி பேரில் 1.70 கோடிக்கும் மேற்பட்டவர்கள் வாக்களிக்கத் தகுதி பெற்றிருந்தனர்.

கடந்த 2022-ஆம் ஆண்டு ஏற்பட்ட கடும் பொருளாதார நெருக்கடிக்குப் பின்னர் நடைபெற்ற இந்தத் தேர்தலில், காவல் துறையினர் மற்றும் ராணுவத்தினர் என மொத்தம் 90,000-க்கும் மேற்பட்டோரின் பாதுகாப்புடன் 13,000-க்கும் அதிகமான வாக்குச்சாவடிகளில் வாக்குப் பதிவு நடைபெற்றது.