ஜாபர் சாதிக் உள்ளிட்ட 12 பேருக்கு எதிராக அமலாக்கத் துறை குற்றப்பத்திரிகை தாக்கல்

போதைப்பொருள் கடத்தல் வழக்கில் ஜாபர் சாதிக், திரைப்பட இயக்குநர் அமீர் உள்பட 12 பேர் குற்றவாளிகள் என சிபிஐ நீதிமன்றத்தில் அமலாக்கத் துறை தாக்கல் செய்த குற்றப்பத்திரிகையில் தெரிவிக்கப்பட்டுள்ளது.

இந்தியாவில் இருந்து போதைப்பொருள் கடத்தப்பட்டுவதாக ஆஸ்திரேலியாவில் இருந்து தில்லி போதைப்பொருள் தடுப்புப் பிரிவு போலீஸாருக்கு தகவல் தெரிவிக்கப்பட்டது. அதைத் தொடர்ந்து, தில்லியில் உள்ள ஒரு குடோனில் சோதனை செய்தபோது அங்கு மறைத்து வைக்கப்பட்டிருந்த மெத்தம்பெட்டமைன் எனும் போதைப்பொருள் பறிமுதல் செய்யப்பட்டு 3 பேர் கைது செய்யப்பட்டனர்.