விஹெச்எஸ் மருத்துவமனையில் இதய இடையீட்டு ஆய்வகம் தொடக்கம்

சென்னை தரமணி விஹெச்எஸ் மருத்துவமனையில் இதய இடையீட்டு ஆய்வகம் (கேத் லேப்) மற்றும் இதய கண்காணிப்பு பிரிவு (கரோனரி கேர் யூனிட்) வியாழக்கிழமை தொடங்கப்பட்டது.

சன்மார் குழுமத்தின் பங்களிப்புடனும், மெட்ராஸ் மெடிக்கல் மிஷன் மருத்துவக் குழுவினரின் ஒத்துழைப்புடனும் தொடங்கப்பட்டுள்ள இந்த இதய இடையீட்டு ஆய்வகத்தில் குறைந்த கட்டணத்தில் சிகிச்சைகள் வழங்கப்படும் என மருத்துவமனை நிர்வாகிகள் தெரிவித்தனர்.

முன்னதாக, மருத்துவமனை வளாகத்தில் நடைபெற்ற நிகழ்வில் அந்த ஆய்வகத்தை ஐஐடி இயக்குநர் வீ.காமகோடி தொடங்கி வைத்து பொதுமக்கள் பயன்பாட்டுக்கு அர்ப்பணித்தார்.