தில்லியில் ஜன. 11, 12-இல் 'வளர்ந்த பாரதத்தின் இளம் தலைவர்கள் மாநாடு'

‘மனதின் குரல்’ நிகழ்ச்சியில் பிரதமர் அறிவிப்பு

அரசியல் பின்புலம் இல்லாத இளைஞர்களை பொது வாழ்வில் இணைக்கும் முயற்சியின் ஒரு பகுதியாக, தில்லியில் அடுத்த ஆண்டு ஜனவரி 11, 12-ஆம் தேதிகளில் 'வளர்ந்த பாரதத்தின் இளம் தலைவர்கள் மாநாடு' நடத்தப்படும் என்று பிரதமர் நரேந்திர மோடி அறிவித்தார்.

தில்லி பாரத் மண்டபத்தில் நடைபெறும் இந்த மாநாட்டில் சுமார் 2,000 இளைஞர்கள் நேரில் பங்கேற்பர்; நாடு முழுவதும் இருந்து கோடிக்கணக்கான இளைஞர்கள் காணொலி மூலம் மாநாட்டில் இணைவர் என்றும் அவர் தெரிவித்தார்.

'மனதின் குரல்' வானொலி நிகழ்ச்சியில் இந்த அறிவிப்பை பிரதமர் வெளியிட்டார். 'மனதின் குரல்' நிகழ்ச்சி வாயிலாக, ஒவ்வொரு மாதமும் கடைசி ஞாயிற்றுக்கிழமையில் நாட்டு மக்களிடம் பிரதமர் மோடி உரையாற்றி வருகிறார். இம்மாதத்தின் கடைசி ஞாயிற்றுக்கிழமை (நவ. 24) ஒலிபரப்பான 116-ஆவது நிகழ்ச்சியில் பிரதமர் பேசியதாவது: