அரசமைப்புச் சட்ட தினம்; கட்டுரைப் போட்டிகளில் முதலிடம் பிடித்த மாணவர்களுக்கு பரிசு

சென்னை, நவ. 25: அரசமைப்புச் சட்ட தினத்தை முன்னிட்டு ஆளுநர் மாளிகை சார்பில் நடத்தப்பட்ட கட்டுரைப் போட்டிகளில் முதல் இடத்தை பெற்ற மாணவர்களுக்கு தலா ரூ. 50,000 பரிசு வழங்கப்படவுள்ளதாகத் தெரிவிக்கப்பட்டுள்ளது.

இது குறித்து ஆளுநர் மாளிகை சார்பில் வெளியிடப்பட்ட செய்திக் குறிப்பு:

அரசமைப்புச் சட்ட தின கொண்டாட்டத்தை முன்னிட்டு பள்ளி மற்றும் கல்லூரி மாணவர்களுக்கு மாநில அளவிலான கட்டுரைப் போட்டிகள் நடத்தப்பட்டன. தமிழ், ஆங்கிலம் ஆகிய இரு மொழிகளிலும் நடத்தப்பட்ட இந்தப் போட்டிகள் 6 முதல் 9-ஆம் வகுப்பு வரை, 10 முதல் 12-ஆம் வகுப்பு வரை மற்றும் கல்லூரி மாணவர்கள் என மொத்தம் 3 பிரிவுகளாக நடத்தப்பட்டன. இதற்காக, ஏராளமான மாணவர்கள் தங்களது கட்டுரைகளை சமர்ப்பித்திருந்த நிலையில், நடுவர் குழுவின் பரிந்துரையின் படி வெற்றி பெற்ற மாணவர்கள் தேர்ந்தெடுக்கப்பட்டுள்ளனர்.