தில்லி விமான நிலையத்தில் தவிக்கும் தமிழக பயணிகள்

சென்னை விமானங்கள் ரத்து; 'ஏர் இந்தியா' மீது புகார்

- ம.ஆ.பரணிதரன்

தில்லி இந்திரா காந்தி சர்வதேச விமான நிலையத்தில் வெள்ளிக்கிழமை சென்னைக்கு புறப்பட இருந்த விமானங்கள் திடீரென ரத்து செய்யப்பட்டதால் நூற்றுக்கணக்கான தமிழக பயணிகள் விமான நிலையத்துக்கு உள்ளேயும் வெளியேயும் கடுங்குளிரில் அவதிப்பட்டனர்.

தில்லியில் இருந்து சென்னைக்கு ஏர் இந்தியா, இண்டிகோ, ஸ்பைஸ் ஜெட் ஆகிய நிறுவனங்கள் பயணிகள் விமான சேவையை வழங்குகின்றன. இதில் அதிக சேவையை இண்டிகோ வழங்குகிறது. ஸ்பைஸ் ஜெட் அதிகாலை ஒரு சேவையையும், ஏர் இந்தியா பகல் 12.15, பிற்பகல் 1.40, மாலை 4.15, 5.35, இரவு 8.45, 9.55 ஆகிய நேரங்களிலும் சேவையை வழங்குகின்றன.