விலை உயரும் சோப்புகள், அழகுசாதன பொருள்கள்

பாமாயில் மூலப்பொருள் விலை அதிகரித்துள்ளதால் அதைக் கொண்டு தயாரிக்கப்படும் சோப்புகளின் விலையையும் துரித நுகர்பொருள் (எஃப்எம்சிஜி) நிறுவனங்கள் உயர்த்தியுள்ளன.

இதுகுறித்து துறை வட்டாரங்கள் தெரிவித்ததாவது: பாமாயிலுக்கான இறக்குமதி வரியை மத்திய அரசு உயர்த்தியது. மேலும், சர்வதேசச் சந்தையிலும் அதன் விலை உயர்ந்தது. இந்தக் காரணங்களால், கடந்த செப்டம்பர் மாத மத்தியிலிருந்து பாமாயில் விலை 30 முதல் 40 சதவீதம் வரை அதிகரித்துள்ளது.

இதன் எதிரொலியாக, பாமாயிலில் இருந்து பெறப்படும் சோப்புகள் மற்றும் கிளிசரின் போன்ற பொருள்களுக்கான மூலப்பொருளின் விலையும் 30 சதவீதத்துக்கும் மேல் அதிகரித்துள்ளது.