மாநிலக் கல்லூரி மாணவர் கொலை வழக்கு: 4 மாணவர்களுக்கு நிபந்தனை ஜாமீன்

சென்னை, டிச.2: சென்னை மாநிலக் கல்லூரி மாணவர் தாக்கப்பட்டு உயிரிழந்த விவகாரத்தில் பச்சையப்பன் கல்லூரி மாணவர்கள் 4 பேருக்கு நிபந்தனை ஜாமீன் வழங்கி சென்னை உயர்நீதிமன்றம் உத்தரவிட்டது.

சென்னை மாநிலக் கல்லூரியில் படித்த திருவள்ளூர் மாவட்டம் திருத்தணியைச் சேர்ந்த மாணவர் சுந்தர், அக். 4-ஆம் தேதி சென்னை சென்ட்ரல் ரயில் நிலையத்தில் பச்சையப்பன் கல்லூரி மாணவர்களால் சரமாரியாகத் தாக்கப்பட்டார். அவரை மீட்ட ரயில்வே பாதுகாப்புப் படையினர், ராஜீவ்காந்தி அரசு பொது மருத்துவமனையில் சிகிச்சைக்காக அனுமதித்தனர். அங்கு சுந்தர் அக்.9-ஆம் தேதி உயிரிழந்தார்.

7 பேர் கைது: இதுதொடர்பாக பச்சையப்பன் கல்லூரி மாணவர்கள் 7 பேரை பெரியமேடு காவல் துறையினர் கைதுசெய்து, அவர்களுக்கு எதிராக பிரிவு 103-இன் கீழ் கொலை வழக்கு பதிவு செய்தனர்.