இளம் திறமையாளர்களை கூட்டு முயற்சிகளில் ஈடுபடுத்த திட்டம்: ரஷிய துணைத் தூதர்

உலக அளவில் பல்வேறு கல்லூரிகளுடன் இணைந்து இளம் திறமையாளர்களைக் கூட்டு ஆராய்ச்சிகளில் ஈடுபடுத்தத் திட்டமிட்டுள்ளதாக, ரஷிய துணைத் தூதர் வலேரி கோட்சேவ் தெரிவித்துள்ளார்.

ரஷியாவின் சௌத்வெஸ்ட் மாநில பல்கலைக்கழகம் மற்றும் சென்னை ரஷிய அறிவியல் மற்றும் கலாசாரமையம் சார்பில், ரோபோடிக்ஸ் மற்றும் புதுமையான கல்வி தொழில்நுட்பங்கள் குறித்த நிகழ்ச்சி, சென்னை ஆழ்வார்பேட்டையில் உள்ள ரஷிய கலாசார மையத்தில் திங்கள்கிழமை நடைபெற்றது. இதை ரஷிய துணைத் தூதர் வலேரி கோட்சேவ் தொடங்கி வைத்தார். இதில் 250-க்கும் மேற்பட்ட பள்ளி மாணவர்கள் ஆர்வத்துடன் பங்கேற்றனர்.