போதைப் பொருள் வழக்கில் கைதான காவலர் மீது மேலும் இரு வழக்குகள் பதிவு

சென்னையில் போதைப் பொருள் விற்றதாக கைது செய்யப்பட்ட மத்திய போதைப் பொருள் கடத்தல் தடுப்புப் பிரிவு காவலர் மீது மேலும் இரு வழக்குகள் பதிவு செய்யப்பட்டன.

சென்னை வடபழனி பகுதியில் போலீஸார் கடந்த மாதம் 28-ஆம் தேதி தீவிர கண்காணிப்புப் பணியில் ஈடுபட்டனர். அப்போது, அங்கு சந்தேகத்துக்குரிய வகையில் வந்த கொளத்தூரைச் சேர்ந்த சுரேந்திர நாத் என்பவரை பிடித்து விசாரணை செய்ததில், அவர் மெத்தம்பெட்டமைன் போதைப் பொருள் விற்பது தெரியவந்தது.

இதையடுத்து போலீஸார், அவரிடம் தீவிர விசாரணை நடத்தியதில், அவருடன் அசோக்நகர் காவல் நிலையத்தில் காவலராகப் பணியாற்றும் ஜேம்ஸ் என்பவரும் சேர்ந்து மெத்தம்பெட்டமைன் போதைப்பொருளை கைப்பேசி செயலி மூலம் விற்பது தெரியவந்தது. இதையடுத்து, போலீஸார், சுரேந்திரநாத்தையும், காவலர் ஜேம்ஸையும் உடனடியாக கைது செய்தனர்.