சிரியா ராணுவ நிலைகளை இஸ்ரேல் தகர்க்க அல்-அஸாதின் அமைச்சர் உதவி?

சிரியாவிலுள்ள ராணுவ நிலைகளைத் தாக்கி, அங்குள்ள தளவாடங்களை இஸ்ரேல் அழிப்பதற்கு, ஆட்சியிலிருந்து அகற்றப்பட்ட முன்னாள் அதிபர் அல்-அஸாதின் பாதுகாப்புத் துறை அமைச்சர் உதவியிருக்கலாம் என்று மத்திய கிழக்குப் பகுதிக்கான அமெரிக்க செய்தி ஊடகமான 'தி மீடியா லைன்' தெரிவித்துள்ளது.

இது குறித்து அந்த ஊடகம் கூறியுள்ளதாவது: சிரியாவில் இஸ்ரேல் நடத்திவரும் தாக்குதல் தொடர்பாக அண்மையில் கசிந்த ரகசிய ஆவணத்தின் மூலம், அந்தத் தாக்குதலுக்கு அல்-அஸாத் அரசில் பாதுகாப்புத் துறை அமைச்சராக இருந்த அலி மஹ்மூத் அப்பாஸ் உதவியிருப்பதாகத் தெரிகிறது. மூசா என்ற இடைத்தரகர் மூலம் பாதுகாப்பு குறுந்தகவல் செயலிகளைப் பயன்படுத்தி, இஸ்ரேல் ராணுவ நிலைகளைத் தாக்குவதற்கான ஒருங்கிணைப்பை மஹ்மூத் அப்பாஸ் வழங்கியதாக அந்த ஆவணத்தின் மூலம் தெரியவருகிறது என்று 'தி மீடியா லைன்' குறிப்பிட்டுள்ளது.

எனினும், அல்-அஸாதுக்கு இந்த ஒருங்கிணைப்பு நடவடிக்கையுடன் தொடர்பு இருக்கிறதா என்பதை அந்த ஊடகம் தெரிவிக்கவில்லை.