நேரு குறித்து தவறான கருத்துகள்: பிரதமர் மன்னிப்பு கேட்க கார்கே வலியுறுத்தல்

'இடஒதுக்கீடு குறித்து மாநிலங்களுக்கு முன்னாள் பிரதமர் நேரு எழுதிய கடிதம் குறித்து தவறான தகவல்களை கூறிய பிரதமர் மோடி காங்கிரஸிடம் மன்னிப்புக் கேட்க வேண்டும் என அந்தக் கட்சியின் தேசியத் தலைவர் மல்லிகார்ஜுன கார்கே திங்கள்கிழமை வலியுறுத்தினார்.

புது தில்லி, டிச.16:

அரசியல் நிர்ணய சபையால் அரசமைப்புச் சட்டம் ஏற்கப்பட்டதன் 75 ஆண்டுகள் நிறைவை ஒட்டி மக்களவையில்கடந்த சனிக்கிழமை பேசிய பிரதமர் மோடி, 'காங்கிரஸின் ஒரு குடும்பம் அரசமைப்புச் சட்டத்தை சிதைப்பதில் எந்த வாய்ப்பையும் விட்டுவைக்கவில்லை. நமது வழியில் அரசமைப்புச் சட்டம் தடையாக இருந்தால் அதை மாற்ற வேண்டும் என்று முதல்வர்களுக்கு கடிதம் எழுதியவர் முன்னாள் பிரதமர் ஜவாஹர்லால் நேரு' என காங்கிரஸை கடுமையாக விமர்சித்தார்.