தடைகளைக் கடந்து செயல்படும் திமுக அரசு!

பொய்ப் பிரசாரங்கள், அவதூறுகள், ஒத்துழைப்பு வழங்க மறுக்கும் மத்திய அரசு என எல்லா தடைகளையும் கடந்துதான் திமுக அரசு செயல்படுகிறது என்று முதல்வர் மு.க.ஸ்டாலின் பேசினார்.

- முதல்வர் மு.க.ஸ்டாலின்

பொய்ப் பிரசாரங்கள், அவதூறுகள், ஒத்துழைப்பு வழங்க மறுக்கும் மத்திய அரசு என எல்லா தடைகளையும் கடந்துதான் திமுக அரசு செயல்படுகிறது என்று முதல்வர் மு.க.ஸ்டாலின் பேசினார்.

அரசு திட்டப் பணிகள் தொடர்பாக மாவட்டங்களுக்கே நேரில் சென்று கள ஆய்வு செய்வேன் என்று சில மாதங்களுக்கு முன்னர் முதல்வர் மு.க.ஸ்டாலின் அறிவித்திருந்தார்.

அதன்படி, அரசின் திட்டப் பணிகள் தொடர்பான ஆய்வுக் கூட்டத்தில் பங்கேற்பதற்காக 2 நாள் பயணமாக ஈரோட்டுக்கு வந்த முதல்வர் மு.க.ஸ்டாலின், சோலார் பகுதியில் வெள்ளிக்கிழமை நடைபெற்ற அரசின் நலத்திட்ட உதவிகள் வழங்கும் விழாவில் கலந்து கொண்டு, ரூ.951 கோடி மதிப்பிலான 559 நிறைவுற்ற திட்டங்களைத் தொடங்கி வைத்தார். மேலும், ரூ.133 கோடி மதிப்பிலான 222 திட்டங்களுக்கு அடிக்கல் நாட்டிய அவர், சுமார் 50,000 பயனாளிகளுக்கு ரூ.284 கோடி மதிப்பிலான நலத்திட்ட உதவிகளை வழங்கினார்.

விழாவில் முதல்வர் மு.க.ஸ்டாலின் பேசியதாவது: கடந்த 3 ஆண்டுகளில் ஈரோடு மாவட்டத்துக்கு திமுக அரசு செய்திருக்கும் பணிகளின் பட்டியல் மிகவும் நீளமானது. அத்திக்கடவு - அவிநாசி திட்டம், ஈரோட்டில் மஞ்சள் பொதுவசதி மையம் உள்ளிட்டவை நிறைவேற்றப்பட்டுள்ளன.