இந்தியாவின் திறன்மிகு பணியாளர்களுக்கு உலகெங்கிலும் வாய்ப்பு

இந்தியாவின் திறன்மிகு பணியாளர்களுக்கு உலகின் பல்வேறு நாடுகள் வாயில் கதவைத் திறந்துள்ளன. அந்த நாடுகளில் இந்தியப் பணியாளர்களின் நலனை உறுதி செய்யும் ஒப்பந்தங்களை மத்திய அரசு மேற்கொண்டு வருகிறது என்று பிரதமர் நரேந்திர மோடி தெரிவித்தார்.

திறன்மிகு பணியாளர்களுக்கு உலகின் பல்வேறு நாடுகள் வாயில் கதவைத் திறந்துள்ளன. அந்த நாடுகளில் இந்தியப் பணியாளர்களின் நலனை உறுதி செய்யும் ஒப்பந்தங்களை மத்திய அரசு மேற்கொண்டு வருகிறது என்று பிரதமர் நரேந்திர மோடி தெரிவித்தார்.

இரண்டு நாள் அரசுமுறைப் பயணமாக பிரதமர் மோடி சனிக்கிழமை குவைத் வந்தார். குவைத் அரசர் ஷேக் மெஷால் அல்-அகமது விடுத்த அழைப்பின்பேரில், அந்நாட்டுத் தலைநகர் குவைத் சிட்டிக்கு வந்த அவரை, அந்நாட்டின் முதல்துணை பிரதமரும், பாதுகாப்புத் துறை அமைச்சருமான ஷேக் ஃபஹாத், வெளியுறவுத் துறை அமைச்சர் அப்துல்லா அலி உள்ளிட்டோர் வரவேற்றனர்.

அங்குள்ள சொகுசு விடுதியில் அவருக்கு மேளதாளங்கள் மற்றும் கதகளி நடன நிகழ்ச்சியுடன் இந்திய வம்சாவளியினர் உற்சாக வரவேற்பளித்தனர்.