ஜம்மு-காஷ்மீரில் பயங்கரவாதத்தை தூண்டியது 370-ஆவது பிரிவு: அமித் ஷா

‘அரசமைப்புச் சட்டத்தின் 370-ஆவது பிரிவு, ஜம்மு-காஷ்மீரில் பயங்கரவாதத்தையும், பிரிவினைவாதத்தையும் தூண்டியது. அப்பிரிவை நீக்கியதன் மூலம் பயங்கரவாதத்துக்கு மட்டுமன்றி பயங்கரவாத ஆதரவு சூழலுக்கும் முடிவுகட்டியது பிரதமர் மோடி அரசு’ என்று மத்திய உள்துறை அமைச்சர் அமித் ஷா தெரிவித்தார்.

‘ஜம்மு-காஷ்மீர் மற்றும் லடாக்: யுகங்களின் வழியே’ என்ற புத்தக வெளியீட்டு விழா, தில்லியில் வியாழக்கிழமை நடைபெற்றது. இப்புத்தகத்தை வெளியிட்டு, அமைச்சர் அமித் ஷா பேசியதாவது:

உலகிலேயே கலாசாரத்தால் வரையறுக்கப்பட்ட எல்லைகளைக் கொண்ட ஒரே நாடு இந்தியா. இந்தியாவை இந்தியத் தன்மையுடனே புரிந்துகொள்ள முடியுமே அன்றி, புவிசார் அரசியல் கண்ணோட்டத்தில் அல்ல.