മരുന്നിന് വില കുറയും

പുതുക്കിയ അവശ്യ പട്ടികയിൽ 384 മരുന്നുകൾ » അർബുദ, പ്രമേഹ രോഗികൾക്ക് ആശ്വാസമാകും

ന്യൂഡൽഹി: 34 മരുന്നുകൾ ഉൾപ്പെടുത്തി കേന്ദ്ര ആരോഗ്യമന്ത്രാലയം അവശ്യ മരുന്നുകളുടെ പട്ടിക പുതുക്കി. ഇതോടെ അർബുദം, പ്രമേഹം തുടങ്ങിയ രോഗങ്ങൾക്കുള്ള ഏതാനും മരുന്നുകളുടെ വില കുറയും. 27 വിഭാഗങ്ങളിലായി 384 മരുന്നുകളാണ് പുതുക്കിയ പട്ടികയിലുള്ളത്. 26 മരുന്നുകൾ പട്ടികയിൽ നിന്ന് ഒഴിവാക്കി.

പ്രമേഹത്തിനുള്ള ഇൻസുലിൻ ഗ്ലാർജിൻ, ക്ഷയരോഗത്തിനുള്ള ഡെലാമാനിഡ് തുടങ്ങിയവയും അർബുദത്തിനുള്ള നാലു മരുന്നുകളും അവശ്യമരുന്നുപട്ടികയിൽ ഉൾപ്പെടുത്തിയിട്ടുണ്ട്.