സെഞ്ചൂറിയൻ സ്മിത്ത്

സെഞ്ച്വറിയിൽ റെക്കോഡിട്ട് സ്മിത്ത് ഫോളോഓൺ ഒഴിവാക്കാൻ ഇന്ത്യക്ക് 111 റൺസ് വേണം

മെൽബൺ: ലോക ടെസ്റ്റ് ചാമ്പ്യൻഷിപ്പ് കലാശപ്പോരിലേക്ക് ഓസീസ് മണ്ണിൽ ടിക്കറ്റെടുക്കാമെന്ന സ്വപ്നങ്ങൾക്കു മേൽ വീണ്ടും ഇടിത്തീ ബോർഡർ ഗവാസ്കർ ബോക്സിങ് ഡേ ടെസ്റ്റിൽ രണ്ടാം ദിനവും ആസ്ട്രേലിയക്ക് മുൻതൂക്കം. ആദ്യ ഇന്നിങ്സിൽ ആതിഥേയർ ഉയർത്തിയ കുറ്റൻ സ്കോറിലേക്ക് മറുപടി ബാറ്റിങ് തുടങ്ങിയ ഇന്ത്യക്ക് ഞെട്ടലായി മുൻനിരയിൽ കൂട്ടത്തകർച്ച. യശസ്വി ജയ് സ്വാളിന്റെ അർധസെഞ്ച്വറി നൽകിയ ആശ്വാസം മാറ്റിനിർത്തിയാൽ പ്രമുഖരെല്ലാം നേരത്തേ മടങ്ങി. ആസ്ട്രേലിയ കുറിച്ച 474 എന്ന കൂറ്റൻ ലക്ഷ്യത്തിലേക്ക് ബാറ്റു വീശിയ ഇന്ത്യ സ്റ്റമ്പെടുക്കുമ്പോൾ 164 /5 എന്ന നിലയിലാണ്- 310 റൺസ് പിറകിൽ. ഫോളോ ഓൺ ഒഴിവാക്കാൻ 111 റൺസ് വേണം.