നവതിയുടെ മധുരത്തിലേക്ക് നടൻ മധു

പിറന്നാളുകൾ സാധാരണ വലിയ ആഘോഷമായി കാണാത്ത മധു സിനിമ കാണലും വായനയുമെല്ലാമായി കണ്ണമ്മൂലയിലെ വീട്ടിൽ വിശ്രമജീവിതത്തിലാണ്

തിരുവനന്തപുരം: പ്രണയാതുര നായകൻ, ക്ഷുഭിത യൗവനത്തിന്റെ പ്രതീകം, കാർക്കശ്യവും വാത്സല്യവുമുള്ള കാരണവർ എന്നിങ്ങനെ മലയാളി മനസ്സുകളിൽ ഇടം നേടിയ നടൻ മധു നവതിയുടെ മധുരത്തിലേക്ക്. നടൻ, സംവിധായകൻ, നിർമാതാവ്, സ്റ്റുഡിയോ ഉടമ തുടങ്ങി സിനിമയുടെ സർവ മേഖലകളിലും സാന്നിധ്യമറിയിച്ച മഹാനടൻ 89 വർഷത്തെ ജീവിതാനുഭവങ്ങളും അഞ്ചരപ്പതിറ്റാണ്ടിന്റെ സിനിമ പരിജ്ഞാനവും കൈമുതലാക്കിയാണ് നവതിയിലേക്ക് കടക്കുന്നത്.