വിധിയെഴുത്ത് നാളെ ആവേശക്കലാശം

പാലക്കാട്ട് പരസ്യപ്രചാരണത്തിന് മൂന്നു മുന്നണികളുടെയും ശക്തിപ്രകടനത്തോടെ കൊടിയിറക്കം

പാലക്കാട്: നാടിന്റെ നാനാഭാഗങ്ങളിൽനിന്ന് പ്രവർത്തകരും അണികളും ഒഴുകിയെത്തിയതോടെ പാലക്കാട് സ്റ്റേഡിയം ബസ് സ്റ്റാൻഡ് പരിസരം ജനസാഗരമായി. പാലക്കാട് മണ്ഡലത്തിലെ നിയമസഭ ഉപതെരഞ്ഞെടുപ്പിന്റെ പരസ്യപ്രചാരണത്തിന് ആവേശ കൊടിയിറക്കം. തുടക്കം മുതൽ വിവാദങ്ങൾ നിറഞ്ഞുനിന്ന നാട് ബുധനാഴ്ച വിധിയെഴുതും. തിങ്കളാഴ്ച വൈകീട്ട് നടന്ന കൊട്ടിക്കലാശം മൂന്നു മുന്നണികളുടെയും ശക്തിപ്രകടനമായി. മൂന്നു സ്ഥാനാർഥികൾക്കുമൊപ്പം നേതാക്കളും അണിനിരന്നതോടെ പ്രവർത്തകരും ആവേശത്തിലായി.