அரியவகை தோல் நோய்: நடிகை சமந்தா மீண்டும் மருத்துவமனையில் அனுமதி!

மயோசிடிஸ் என்ற தோல் நோயால் அவதிப்பட்டு வந்த நடிகை சமந்தா திடீர் உடல்நலக் குறைவு காரணமாக மீண்டும் ஐதராபாத்தில் உள்ள தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார் இது திரையுலகினர் மற்றும் சமந்தாவின் ரசிகர்கள் மத்தியில் கடும் அதிர்ச்சியை ஏற்படுத்தியுள்ளது.

தென்னிந்திய திரையுலகில் முன்னணி நடிகையாக வலம் வரும் சமந்தா, கடந்த ஆண்டு கருத்து வேறுபாடு காரணமாக தன் காதல் கணவர் நாகசைதன்யாவை விவாகரத்து செய்து பிரிந்த பின்னர் சினிமாவில் முழு வீச்சில் நடிக்கத் தொடங்கினார். குறிப்பாக புஷ்பா படத்திற்காக இவர் ஆடிய கிளாமர் நடனம் அனைவரையும் வியப்பில் ஆழ்த்தியது. பின்னர் தமிழ், தெலுங்கு, இந்தி என பல்வேறு மொழிகளில் இருந்து சமந்தாவுக்கு பட வாய்ப்புகளும் குவிந்தன. நடிகை சமந்தா நடிப்பில் கடந்த நவம்பர் 11ந் தேதி யசோதா திரைப்படம் வெளியானது.