ஆந்திராவில் நகைக்காக கொலை செய்து பெண்ணை சூட்கேசில் அடைத்து தமிழகம் கடத்தி வந்தனர்!

மீஞ்சூர் ரெயில் நிலையத்தில் தந்தையுடன் கல்லூரி மாணவியும் கைது !!

பொன்னேரி நவ.05 நகைக்காக பெண்ணை கொலை செய்து சூட்கேசில் அடைத்து ஆந்திராவிலிருந்து ரெயில் மூலம் தமிழகத்திற்கு கடத்தி வந்த கல்லூரி மாணவியும், அவரது தந்தையும் கைது செய்யப்பட்டார்கள்.

ஆந்திர மாநிலம் நெல்லூரில் இருந்து சென்னைக்கு புறநகர் மின்சார ரெயில் ஒன்று நேற்று இரவு புறப்பட்டு வந்தது. அந்த ரெயில் மீஞ்சூர் ரெயில் நிலையத்தில் வந்து நின்றது. அதிலிருந்து பல பயணிகள் இறங்கினர்.

அவர்களில் தந்தையும், மகளும் அடங்குவர். அந்த இருவரும் ஒரு பெரிய டிராலி சூட்கேசையும், ரெயிலில் இருந்து இறக்கினர்.

பின்னர் அந்த சூட்கேசை, ரெயில் நிலைய நடைமேடையில் ஒரு ஓரத்தில் கொண்டு வைத்தார்கள்.

பின்னர் அங்கும் இங்கும் சுற்றிப் பார்த்தனர். அதன் பிறகு இருவரும் சூட்கேசை அங்கேயே விட்டுவிட்டு வேகமாக நடக்க தொடங்கினர். அவர்களது செயல்பாடுகளை அங்கு காவலுக்கு இருந்த பாதுகாப்பு படையினர் கண்டுபிடித்தனர்.

உடனே அவர்களை மடக்கி பிடித்தார்கள். சூட்கேசை எதற்காக விட்டுவிட்டு செல்ல முயன்றீர்கள் என கேள்வி கேட்டார்கள்.

அதற்கு அந்த இருவராலும் பதில் சொல்ல முடியவில்லை.